為咗推廣產品，業界都會聯合起嚟，一齊搞個大型展銷會，以大量新產品以及優惠價吸引民眾入場參觀，繼而進行推銷，連外國嘅成人娛樂業亦唔例外，而且仲玩得夠放夠盡情，索女滿場飛添！
咪咪姐都有講過「講嘢要有牙力」，搞博覽其實都要靠實力，因為若然主辦商自己都撐唔住，又邊度有能力拉攏同業入嚟擺攤位展銷，令博覽會星光熠熠，精彩到令人流連忘返呢！而美國其中一間最大型嘅成人娛樂公司AVN，實力就真正超班喇！佢所辦嘅AVN Awards乃係全球成人娛樂業嘅盛事，注目度好比荷里活嘅奧斯卡頒獎禮。不過，AVN所辦嘅成人娛樂博覽Adult Entertainment Expo（AEE）就更加令人着迷喇！AEE乃係當今世上三大成人博覽之一，每年一月於美國拉斯維加斯舉行，每次都能夠吸引接近三萬名來自世界各地嘅男男女女入場支持，可見其吸引力非凡，更加成為成人博覽中嘅權威。至於AEE有何神奇吸引力呢？等我慢慢為大家介紹啦！
剛剛於一月頭圓滿結束嘅2011 AEE再次成功吸引到二萬八千人次入場玩樂，雖然同我哋工展會嘅過百萬人次有頗大差距，不過大家唔好唔記得，AEE唔係一家大細啱去嘅博覽，所以呢個成績已經非常唔錯喇！當日，會場入面有超過三百五十五個參展商，主要來自情趣用品商以及四仔片商，另外亦有舞孃團體，以及傳揚性愛藝術嘅單位，例如係性學專家、兩性關係學者以及綑綁藝術專家等，佢哋於博覽場館內開班授徒，教入場人士如何提升性愛質量，學術意味極濃！當然，唔想上堂的話，亦可以向情趣用品商嘅推銷女郎請教，呢班女郎好多都係專業裸體模特兒，打扮性感之餘，亦唔介意向大家講解新型情趣用品嘅玩法，個別情趣用品商更加會搵四仔女優推銷，熱情起上嚟仲會同入場人士攬頭攬頸，大送秋波。所以入到AEE，不難發現波來波往嘅香艷場面。
AEE嘅攤位仲有好多舞孃表演，鋼管舞、脫衣舞、辣身舞隨處可見，而舞孃除咗一律以緊身衫或皮革內衣褲上陣之外，技術之高真係令人嘖嘖稱奇，好似一招凌空一字馬就技驚四座喇！另外，在場仲有綑綁表演，由綑綁專家向女優展示縛繩，甚至係皮鞭蹂躪嘅重口味玩意！此外，大家唔單只得個睇字，如果想一試箇中滋味，亦可以自告奮勇，向專家請教請教。而講到玩，剛剛提及嘅舞孃為咗搞氣氛，一樣唔介意大家上台合作跳舞，不過有一點要小心，就係舞孃充滿活力兼調皮，跳舞嘅時候，攬住你係咁磨，分分鐘畀佢當場磨爆架！男人有得玩，女士們亦唔怕會悶，因為AEE每年都會安排她們參加濕衫透點比賽，假如有女士無畏當眾透點，就可以上台，由女負責人淋濕參加者，而評審就以台下觀眾嘅歡呼聲大小作為評選標準，身懷巨乳的話一定有着數。
撰文：賢