每到年尾，啲老友都話好怕接內地老相好嘅電話，因為佢哋打得電話畀你，一定跟錢有關。其中一位老友大炳話：「就好似喺尋日，東莞老相好打長途電話落嚟畀我，叫我點都要上去見一面，唔知仲以為佢患咗絕症，要見我最後一面，原本打算去佢屋企敍舊，點知佢叫我去酒店開房等佢，於是照做，等咗佢一個鐘，佢終於嚟拍門，一開門見佢一喼喼行李拖入嚟，原來佢明天就要返鄉下兩個月，索性連房都退埋，所以就叫我開房等佢，佢嘅解釋係掛住我，想見我一面至返鄉下，其實就想慳一日租兼且明天有人送佢去機場，但最擔心嘅，就係問佢夠唔夠錢返鄉下，好彩囡囡話夠，我至鬆一口氣！」大炳補充話憑過去經驗，好多囡囡都會話唔夠，要你多畀兩三千蚊路費，但之後才知殺着只係未到，去到機場幫佢攞機票，盛惠一千三百蚊，真係赤到入晒肉呀！