每個麻甩佬都有性幻想，而幻想嘅對象各有唔同，有啲人當見到靚女就會想入非非，有啲人則見到制服女郎時，腦海就充滿遐想。日本東京有風俗店，為咗讓一眾男士唔係得個諗字，推出名為「妄想劇場」嘅服務，讓玩家可自訂色慾劇本，然後由風俗孃擔任女主角，滿足性幻想。
有性學家指，男人每日平均有七至八次性幻想，言則每三個鐘出現一次。雖然根據專家講，男人係就係諗得多，但有行動嘅卻冇幾可。為咗可以達成男人嘅心願，唔使齋諗咁灰，於是東京有風俗店，就專為鍾意性幻想嘅男士，推出名為「妄想劇場」嘅服務。據有關風俗店介紹，「妄想劇場」嘅意念其實係希望將男士嘅性幻想，轉化成為現實，等佢哋可以得到前所未有嘅性體驗。由於呢種玩法咁特別，服務自去年推出以嚟，反應相當熱烈，更曾經創出一日有三百個玩家要求呢種服務嘅紀錄，大大超出風俗店嘅預算。
有興趣嘅玩家，只需要先將個人資料及聯絡方法留低外，最重要就簡介一下自己嘅性幻想，呢間風俗店先至可以衡量能否做到，然後再同玩家聯絡，跟住玩家就可以揀選心水拍乸，去到預定嘅酒店，享受呢種咁別開生面嘅情慾服務。據呢間風俗店嘅負責人表示，呢個服務最特別嘅地方，就係玩家可以天馬行空地構思，將本嚟只係幻想嘅嘢變成現實。據聞最多玩家想試嘅玩法，竟然係偷食人妻！不過負責人補充，性幻想雖然係乜都得，但最重要係實行上冇問題，好似有啲玩家話想喺外太空同外星人曳曳，咁就真係難搞喇！
曾經試過呢種服務嘅玩家表示，最特別嘅地方，就係囡囡相當配合。由於呢種玩法其實係角色扮演遊戲，如果囡囡唔配合，玩得又唔夠投入嘅話，情趣就會大打折扣，玩起嚟就冇咁過癮。另一方面，呢間風俗店嘅安排亦相當體貼，為咗能夠讓玩家投入劇情當中，竟會幫有需要嘅玩家，將酒店房布置成特別嘅場景。佢就試過想玩鄰家小女孩，風俗店居然將酒店房，裝扮成屋企咁，認真細心！不過咁正嘅玩法，收費一啲都唔平，全套服務連六十分鐘風俗孃服侍，收費高達七萬日圓，折合約為六千六百港元。呢個夢，真係幾乸脷！
撰文：阿豪