米芝蓮大晒！藉住百周年，選完食肆又選酒吧，有口痕友話家陣食餐便飯都話米芝蓮，似乎攞唔到評級就等如冇好嘢食喎！哈，真係值得大家反思。但同時間，有脫星就諗到要喺脫星界搞個類似嘅評級，選出當下最好砌脫星喎！
美國四仔界，每年都有大大小小成人頒獎禮，但查實同一啲音樂頒獎禮沒兩樣，都係做場騷娛樂大眾，之不過事後慶功脫星可以大玩淫亂派對咁解啫！而為咗挽救銷量日益暴跌嘅歐美四仔，同時抗衡東瀛無碼片流入市場，脫星Jenny Poussin考慮拉攏各大片廠及脫星公會，推舉一個米芝蓮評級脫星版，分星級釐定業界脫星邊個至係最好砌喎！佢解釋：「現階段只係初步構思，用最好砌來形容似乎唔到位，但作為全球最知名成人工業重鎮，我認為美國四仔界絕對有需要推舉一個五星評級，表揚脫星同時，亦令外界清楚脫星專業！」阿妹呢個希望工程真偉大，以你嘅條件搞選舉當然冇問題啦，但相信不少老牌脫星或新人都會反對囉！
為咗得到業界支持，Jenny Poussin於個人網站講解呢個評級嘅利弊，佢話利多於弊，皆因現今脫星氾濫，任何有眼耳口鼻嘅女性都可以自拍四仔，然後搵發行推出市場，嚴重影響脫星質素，相反有咗指標，素人唔會亂拍片，發行會權衡利益至發售，令四仔生態回復正常，更推向專業化。另一方面，一線脫星雖被喻為一線，可惜外界除咗知佢樣靚身材正，其餘一無所知，就此，評級可以細分脫星樣貌、身材、性技、反應、魅力等等，增加購買者意欲，脫星間為更上一層樓，自然會更投入，四仔更有創意。Jenny Poussin話：「所以話呢個星級選舉我絕非為個人利益出發，由外界搵經驗評審去選，就更有公信力！」作為一個四仔迷，細佬非常讚同阿妹嘅講法，但問題係「米芝蓮」車胎人太深入民心，投射喺脫星身上我有啲反胃囉！
出生日期：1982年7月19日
三圍：30G-23-32
身高：5呎2吋
撰文：祖