最近有老友同大軍講，上去玩到一肚氣，因為遇上黑店，令佢好激氣。事緣佢上星期喺香港睇雜誌，見到介紹一間位於常平嘅桑拿，見到條囡囡好鬼正斗，於是便立即打電話去預約，點知聽電話嗰位經理同佢講，唔使預約，上到去先打畀佢就得喇！於是老友大安旨意，六點幾就同幾個朋友殺上去，食完飯就再打電話過去，點知經理又同佢講，依家好爆場，一定要親身過嚟排隊。
老友已經開始有懷疑，但一場嚟到，點都要去睇睇，去到之後，唔覺得有好多人，但係經理同佢講就話佢想要嘅囡囡已經Full晒鐘，要等五個鐘先得。佢咪立即發晒火，話自己之前打過嚟預約，當時又話唔使，而嚟到又話要等五個鐘，即係玩嘢啫！點知個經理一於好少理，走咗去招呼第二啲客人，老友火滾話依家五個鐘都等。但係經理又話囡囡邊做得咁多客，今晚一定唔得咁話。老友真係火都嚟埋，立即着衫走人，事後再諗諗，認為條女根本唔係呢間場嘅，所以經理點都攞唔出嚟！但係佢又唔敢介紹其他女，因為間場得幾個囡囡見得人，其他都係豬扒，一出嚟就穿晒煲，所以寧願激走老友好過。老友話呢啲黑店，簡直就係骨場嘅敗類。
撰文：大軍