美國四仔界有好多女星都有酗酒的壞習慣，佢哋唔使拍戲嘅日子，成日出去酒吧飲到啤啤夫，有時發酒癲仲會惹事生非。女星Cali Logan都係衰呢樣嘢，本來前途都幾好，但係酒癮實在太深，搞到成日失場兼是非多多，結果星途浮浮沉沉，終日借酒消愁。
事緣有一次Cali姐約埋幾個好杯中物嘅姊妹出去浦吧！結果幾條女飲到大晒，喺間酒吧發酒癲，又跳脫衣舞，又搞其他客人，結果有幾個客人忍唔住，乘機大抽水，點知Cali姐唔介意不特止，仲同佢哋鬥抽，搞到間酒吧變咗色情場所，負責人梗係報警收場。結果佢畀人拉咗去拘留所坐咗兩星期，通告又接唔到，好多片商決定唔再搵佢，話佢形象太過差。
「我都唔知道點解，一飲酒就停唔到，直至飲到醉為止，但係醉咗之後我就會發癲，完全唔受控制，我都唔想o架！依家無人搵我拍戲，我都好慘，自然想借酒消愁，結果愈飲愈多，原本想戒，最終都係戒唔到。」
不過今次坐監都有正面嘅收穫嘅。起碼兩星期佢都無得飲酒，之後出番嚟，佢同片商誓神劈願話會戒酒，而且要修心養性，修補番個形象云云，片商對佢都係帶有懷疑態度，佢惟有出最後一招劈價大特賣，終於有片商肯用佢。
「馬死落地行喇！鬼叫自己以前唔生性，有戲拍嘅時候又唔珍惜，依家無戲拍惟有減價，都好過無嘢做，坐食山崩。以前我搵埋唔少錢，呢幾個月都使咗唔少，再唔出去拍戲，就真係屋都無得住，所以今次減價係事在必行。雖然有姊妹話我頂爛市，但係我都係迫於無奈啫！希望佢可以體諒我嘅處境，唔好唔睬我喇！」
三圍：34B、25、34
身高：5呎5吋
年齡：24
撰文：荒木