唔係話幸災樂禍，雖然細佬冇拖拍，但為避女友居然要爬渠走，真係講都冇人信。原來歐美經常出現類似場面，事關呢一代嘅妹豬，為賺快錢背住男友當脫星。好似Julez Ventura咁，就自爆拍攝處女床戲被男友發現，但當事人醒目得多，匿喺床底避過出醜，總算執番身彩囉！
美國脫星Julez Ventura直言遇過不少「走佬」場面，皆因阿妹係一位不甘寂寞嘅女人，經常都要有男伴喺身邊，因此同一時間男友一籮籮，咪以為阿妹靠呃仔搵飯食，查實掉番轉阿妹仲要當脫星養仔添！咁辛苦何必呢？Julez Ventura解釋：「因為我需要愛囉！本來我可以好幸福，但我衰貪心，得一想二，結果同一時間攬咗十幾件男友上身，個個都愛到我死呀！」由於男伴對佢死心塌地，即使明知對方有男友都唔介意，但講到做脫星就點都唔得，奈何紙包唔住火，Julez Ventura被取錄為脫星當日，就被其中一位男伴發現，飛去片場搞破壞！
正當Julez Ventura喺片場同男優拍攝前奏床戲時，阿妹就收到在場助手通知，話場外男友正衝入嚟要搵佢對質，即時嚇到阿妹彈起。據Julez Ventura講：「假如係第二件男伴我都冇咁驚，皆因呢位出名性格衝動火爆，三句唔埋就動刀槍，我唔擔心佢會傷害我，但怕佢同男優打鬥，到時影響我喺四仔界發展。」
迫於無奈下，Julez Ventura惟有匿喺床底避男伴，好在最終當事人都冇大鬧片場，乖乖哋離開，阿妹得以順利完成四仔作品，但醜婦終須見家翁，喺推出四仔大作當日，火爆男伴不甘被騙，自動消失，其實對阿妹嚟講仲係好事，陣間火爆男一個睇唔開，同你一鑊熟咪仲大單！
出生日期：1987年7月31日
三圍：32D、24、34
身高：5呎5吋
撰文：祖