就嚟到農曆新年，唔少囡囡都會提早返屋企過春節，唔知大家有冇諗過，囡囡返屋企會做啲乜呢？有相熟嘅囡囡表示，佢班姊妹新年仲忙過平日。不過佢哋唔係返鄉下開工，而係忙於使錢。原來囡囡喺一年裏面，只有新年先至得閒做自己嘢，於是趁住呢個時候，返鄉下買樓、買地、做生意等，真係忙到飛起！好似有個同我相熟嘅囡囡咁，雖然喺東莞過皮肉生涯，但估唔到佢喺鄉下，居然係兩間超市嘅老闆之餘，仲有幾層樓同幾塊地揸手。
佢笑道：「我唔似一啲姊妹咁，拎晒啲錢去包仔，又冇賭錢嘅嗜好，只係鍾意投資股票同埋買樓，儲咗十幾年錢，條數都幾可觀o架！因為我一年只有春節得閒，所以超市嘅生意會交畀細佬打理。到咗春節，我就會返去睇吓盤數，同埋超市嘅營運，仲順便收埋租，有時亦會同朋友傾吓，睇吓有乜嘢生意大計添！」難怪佢一年到晚都咁忙碌，經常話冇得抖啦！
撰文：大軍