內地城市發展加快，連帶夜生活亦急速發展，夜店生意火紅。亦由於咁多人幫襯夜店，每間場都會各出奇謀吸引客人，最常見就係搞女士之夜，以及搵美女做侍應，而安排場內各式艷舞表演已經成為指定動作，因此對舞孃嘅需求亦非常熱切，吸引唔少女仔投身當中，據講一個舞孃年薪可以高達七八十萬。不過，要搵到咁多錢，梗係要跳得好先得喇！
青島就有一間鋼管舞學校，專門培訓舞孃。內地網友胡學遠最近於自己嘅博客上載一篇博文，內裏除咗有文字描述呢間鋼管舞學校，仲有好多學員嘅訓練實況。相片當中可以見到班舞孃個個都又靚又好身材，跳起鋼管舞仲好投入。但係，背後嘅辛酸真係不為外人道。如果大家想睇吓佢哋嘅舞技有幾高，練習有幾辛苦，就唔好錯過呢個博客喇！
網址：http://blog.qq.com/qzone/604775781/1293644705.htm
撰文：豪