正所謂食色性也，美食、靚酒加埋索女，咁先至係人生嘛！美國拉斯維加斯就有間夜總會，可以一次過滿足男士呢三方面嘅需要，佢嘅名就係叫做「4 Play-The Gentleman's Club」。
呢間夜總會特別嘅地方，在於佢嘅設計並非一般嘅夜總會，而係走高級餐廳路線，換言之，佢主打嘅係美食！據有關方面解釋，夜總會畀人嘅感覺，通常係玩美酒同索女，好少從食物方面出發，從而畀到男士一個回味不已嘅晚上，佢哋特意將夜總會設計成一間富麗堂皇嘅餐廳，等男士可以一邊享用美酒佳餚，一邊欣賞舞台上性感迷人嘅索女，佢哋嘅脫衣舞表演。為咗可以保證食物嘅質素，夜總會專程從世界級酒店，請嚟一流嘅法國名廚，每晚烹調唔同嘅菜式，實行將夜總會玩法水平，提升到一個新嘅層次！
一間高級夜總會，當然唔少得索女啦！佢哋嘅另一個特色，就係場內嘅索女多到爆燈！原來佢哋搵嚟一班著名嘅艷舞女郎，同場獻技，喺男士享用美食嘅時候，會輪流上台獻舞，剝晒光豬嚟刺激男士嘅食欲。另一方面，佢哋更表示場內所有索女，演出完後都會以性感比堅尼上陣，落場服侍男士開餐。可以近距離同佢哋接觸，名副其實係色香味俱全嘅夜總會！
撰文：阿豪