熊寶寶一向都係女仔嘅恩物，無論係三歲定係三十幾歲都一樣咁鍾意！入到女仔嘅閨房當中，往往都可以見到佢哋嘅床頭，放有大大小小不同體積嘅熊寶寶，就知佢哋已經成為女仔嘅閨中良伴啦！而熊寶寶唔單只陪佢哋度過許多個晚上，每次失戀失意都會搵熊寶寶攬住當係一個依靠，難怪好多女仔當熊寶寶如珠如寶，將佢視為密友！
不過，小弟發現情趣用品當中有一款叫做Teddy Bear Vibe Hider嘅產品，使我對熊寶寶有新觀感！呢款熊寶寶公仔外表好正常，都係木無表情同毛茸茸，但係佢天真嘅背後實在相當鬼馬。
只要將佢擰轉，就可以發現佢頸背有個暗袋，深度仲相當足夠添！而暗袋嘅實際用途，則係畀女仔收藏自己嘅情趣震棒同震蛋。你知啦！畀人知道自己用情趣玩具發洩好羞家架！如果煞有介事咁用盒裝住又惹人打開嚟睇，反而放入熊寶寶入面加以掩飾，就神不知鬼不覺喇！
撰文：賢