有人鍾意偷窺，亦有人鍾意被偷窺，性別不分男女，好似美國脫星Aleksa Diamond咁，阿妹就坦言兩瓣都啱，最理想嘅性愛場景正係先偷窺陌生人搞嘢，然後再被窺自己執劑，咁就興奮死喎！
脫星界永遠冇不可思議呢個詞語，事關只要閣下諗得出，佢哋就拍得到，亦因如此，脫星Aleksa Diamond為咗滿足一己私慾，當年膽粗粗入行拍四仔，但阿妹表示當時係瞞住同居男友入行，因為佢怕男友知道真相後會做傻事，但同時阿妹內心又好矛盾，原因係佢好想被伴侶知道佢做脫星，更癲到希望男友可以買佢嘅四仔作品嚟自娛時，又咁啱可以畀佢偷窺到，最後好理想咁齊齊上床執劑勁嘅。哈，咁複雜嘅性格，其實做編劇似乎仲適合阿妹多啲，但現實當然冇咁理想，Aleksa Diamond男友最終透過朋友口中發現女友拍四仔，朋友仲非常好心咁讚阿妹身材弗到爆，唔當脫星超嘥咁話。換轉細佬係佢男友，真係搵窿捐都唔掂！
Aleksa Diamond夢想成空，更出奇嘅係同男友和平分手，阿妹惟有專心向四仔界發展。而由於齊晒架生，基本上唔使點捧已可以上位，但人格複雜嘅佢絕不甘於只受人稱讚，佢真正想拍嘅四仔正係偷窺他人性愛，無奈四仔雖然係電影一種，但劇情只講求搞嘢、搞嘢同搞嘢，先偷窺人後再被偷窺咁峰迴路轉嘅仲未有老闆肯投資，好在阿妹唔放棄，決定自己集資開拍，雖然戲內嘅人物非頂班脫星，但外界卻叫好叫座。梗係啦，單係偷窺兩字已滿足天下麻甩佬性慾，所以阿妹決定喺網上招攬「窺」佬男優，一窺佢搞嘢，阿妹開到聲我諗冇人托手肘，但問題係有得窺，有冇得執劑先？
出生日期：1983年5月5日
三圍：36Ｂ-25-36
身高：5呎5吋
撰文：祖