記得十年前問啲囡囡聖誕節去邊度玩，個個都話咪返工囉！事關佢哋對該節日可謂十分陌生，根本唔知係乜嘢一回事。但今時今日再問啲囡囡，佢哋個個都話聖誕節有大把節目，特別係啲九十後嘅靚女，更話明要請假過節，到時咪嚟搵佢喎！
問佢哋會玩啲乜嘢？大部分都係有朋友搞咗派對，請佢哋去玩，再問啲派對喺邊度搞，佢哋話咪係喺夜總會訂間大包房囉！咁其實咪同返工一樣？但佢哋話完全唔同，返工係為咗賺錢，但喺嗰日就係同朋友一齊慶賀，大家癲番一晚。
可以分得咁清楚，真係唔到你唔佩服。再問佢哋會唔會叫埋啲熟客一齊玩，佢哋話唔會，因為有自己嘅朋友，所以無謂搞亂。至於一啲年輕技師，佢哋嘅情況都差唔多，個個當日都有節目，而且同客人無關，難怪啲玩家都話節日難遇索女啦！
撰文：大軍