男人有錢身就痕，出去偷食都零舍多諗頭。最近喺廈門，就出現一種包Model短聚嘅「龍友攝影團」，鍾意影相嘅男人包女到附近旅遊區，過兩日一夜吃喝玩樂，但團友只為拍裸照及洩慾，名副其實嘅荒淫攝影團。
內地有錢人多，囡囡更多，要玩打個電話就送到。可惜呢種快餐方式，難以滿足識飲識食嘅玩家，相反，兩日一夜包女短聚，正好滿足到佢哋心理欲望。好似廈門一間旅行社，表面上經營短線團，但最搵錢正係針對攝影發燒友嘅囡囡攝影團，包住宿、車費及Model費用，基本旅費約千多元人仔，另加自選Model一名，價錢視乎質素而定。
旅社推銷員之所以落力推銷龍友攝影團，皆因旅行團表面上並不包括賣淫服務，但色途老馬早就知道，囡囡旅費已包括裸體攝影，有需要時更可提供進一步服務，雖然肉金並沒有公價，但市價兩日一夜一般為三千多元。
內地玩家阿民就表示， 個多月前已報名參加「龍友攝影團」，職員只負責推介旅行地點及注意事項，如果要揀女，就要去鄰店Model公司挑選。阿民跟隨指示到店內，攞出發票，然後就有一位Model公司職員介紹囡囡。阿民話：「整個過程非常流暢，Model有多款造型照，更有短片自我介紹，揀啱心水，職員就即時打電話畀Model確認，而我就揀咗一位廣州車模，傾好陪遊費為兩千元。」
出發當日，囡囡準時到達，兩人就坐大巴直達旅館，放低行李後就出外用餐，沿途阿民取出相機拍攝當熱身：「感覺都好溫馨，邊食飯邊拍照，旁人仲以為係情侶，玩到黃昏，我哋就返酒店沖涼，爭取時間拍裸照，接住再上床搞嘢，可惜囡囡話拍性慾片要加兩千，否則我一定會將過程拍低留念！」
原來，阿民呢種玩法只屬普通團，較為有錢嘅客戶甚至可選擇出海及租度假村，玩天體旅行團。有玩家稱行程中更包括遊艇及同Model出海拍裸照，拍完就由船家送去食海鮮餐，跟住再返度假屋，而囡囡入屋後會剝光豬，任人客拍照，直到完結一刻，囡囡至可以穿回衣服離開。由於交易服務只涉及買賣雙方，有關單位難以執法，令呢種旅行社愈開愈多。
內地傳媒指，早前不少東莞囡囡被迫轉行，原來正是轉做掛名Model及伴遊，專責陪龍友影裸照及提供性服務。有囡囡表示，雖然收入大不如前，但收入穩定及不怕掃黃，部分有經驗嘅女更轉型做媽咪，專為Model公司收新女，賺取介紹佣金。
撰文：祖