最近日本風俗界流行一種新玩意，叫做「戀愛風俗」，顧名思義，就係突破過往客人一到就上嘅交易模式，家陣先同囡囡拍拖培養吓感情，然後至去開房成其好事。據講自推出後反應不俗，唔少單身一族都排住隊嚟幫襯。
呢間位於東京嘅出張風俗店，名字叫「戀愛白書」，客人只係聽個名就知道佢哋想玩乜嘢！就係要客人感受戀愛嘅滋味，同其他風俗店一樣，客人登入網站先行登記做會員，然後選擇自己喜歡嘅囡囡，最後選擇埋玩法或服務時間，再把回貼發出，大約等十五分鐘之後，囡囡就會打電話畀客人。客人要好似追女仔咁樣，先行自我介紹，然後表白要約囡囡出嚟喺邊度見面。
玩法唔似其他風俗店，囡囡一嚟就到酒店，跟住入房交功課，呢間風俗店除咗要求客人要約囡囡出外會合之外，仲會畀半小時佢哋拍拖，培養吓感情，呢段時間客人可以帶囡囡去行吓街，食吓嘢都得，半小時後，客人至帶囡囡去開房。
如果客人過咗時間，囡囡就會扮晒行到腳軟，好想休息吓，客人自會搵地方落腳，而兩個人去開房，喺時鐘酒店大堂仲可以揀吓喜歡乜嘢嘅主題房，真係好有拍拖嘅感覺。之後入到房，服務就同其他出張風俗店一樣，但係客人仲可以要求囡囡扮初次開房，乜都唔識，騰晒雞咁樣。據風俗店嘅店長講，呢個要求好受客人歡迎，咁又係，正所謂做戲做全套，冇理由囡囡一入房就如狼似虎，主動出擊。
至此服務仲未完，之後客人可以送埋囡囡去車站搭車，囡囡返到公司，仲會發個短訊畀客人話好多謝佢，好掛住佢等等，你話啲單身寡仔唔中招就奇，於是一出糧就嚟奉獻，所以生意十分火爆，如果東莞骨妹都用呢招嘅話，相信情況仲勁呀！
撰文：小德