今年嘅聖誕大家點樣過呀！我就非常充實，廿五嗰晚成班朋友落咗去夜店玩，原本男多女少，起初都幾無癮，期間只能同現場嘅推廣女郎兜搭吓，由於叫咗唔少酒水，所以佢哋亦樂於應酬，最後玩到天光，憑三寸不爛之舌，終於氹到佢哋幾個收工後坐低一齊玩，由於佢哋着晒聖誕制服，令現場更有氣氛，最後有老友更約到佢哋出街，盡興今宵，齊齊過一個開心快樂嘅聖誕節。
撰文：小德
最近喺日本有個人氣好勁嘅靚女出咗寫真DVD，佢嘅名字叫做森崎友紀，大家可能唔係咁熟悉，因為佢只係成日上電視節目同埋替雜誌做訪問，香港嘅朋友未必認識，但係佢嘅性感照片，相信大家一定會喺網上睇過唔少。而森崎嘅背後，仲有一個真正嘅身份，就係註冊營養師，佢為咗證明自己嘅營養餐單有料到，最近更推出性感寫真DVD嚟畀大家驗明正身，勁呀！
撰文：賢