每年美國都會選出最靚嘅裸體泳灘，方法就係透過一眾裸體愛好者選出。雖然結果仲未有，但喺數百個裸體泳灘中，奪冠呼聲最高嘅，就要數位於美國加州嘅Red Rock。大家都知，美國加州不嬲以陽光與海灘聞名於世，而呢個海灘更係當中嘅表表者！
除咗地方隱蔽性高，唔怕受到不速之客騷擾之餘，海灘更係水清沙幼，海浪亦大小適中。不論係裸體滑浪，或裸體潛水等，都可以喺呢個海灘度進行。由於呢個海灘可以玩嘅活動多多，故此深受裸體愛好者嘅歡迎。呢個海灘之所以叫做Red Rock，皆因喺泳灘附近，有唔少大小不一嘅紅色岩石，樣子瑰麗而有氣勢，難怪有人稱佢為最靚嘅裸泳海灘。每年去到七、八月，海灘更會舉辦各種裸體活動，例如裸體電單車賽、滑浪比賽、人體彩繪大賽等，洋溢一片節日氣氛，成為裸體愛好者嘅勝地。
撰文：阿豪