一個毫無道德底線嘅人，以為講乜都毋須負責任，就好似脫星Abbey Brooks早前自爆：「向自摸說不，向濫交說得！」雖然呢番說話係用作挑逗麻甩佬性慾，但阿妹言行實在教壞細路。而當事人不但毫無悔意，反而話用行動證明畀大家睇喎！
濫交屬於個人選擇，與人無尤，奈何脫星事先張揚，四圍對傳媒講由今日開始要不停濫交，直至外界認同佢嘅作風為止喎！話就話脫星啫，作為公眾人物，絕對會影響時下年輕人思想，難道阿妹真係一啲都唔覺羞恥？Abbey Brooks解釋：「完全冇咁諗過，純粹係大家用死板嘅道德標準批判我，或者大家聽到濫交呢個字就會聯想到淫蕩，性生活非常唔檢點，其實我嘅意思係叫大家唔好浪費青春，應多啲結識異性，咁嘅人生至會豐盛！」Abbey Brooks言下之意，即係話濫交唔一定有性行為，可以係純友誼式嘅溝通，但阿妹你將自摸同濫交溝埋一齊嚟講，難免令人誤會噃！
話雖如此，Abbey Brooks嘅言行不一，話識朋友要濫交，咁至可以喺最短時間內識最多嘅朋友，可惜佢本人就亂識朋友兼關係亂七八糟，男男女女都同佢有過一手，咁即係自摑嘴巴啫？Abbey Brooks解釋：「咁事關我識嘅朋友又真係值得同佢哋上床嘛！而且我哋都識咗一段日子至發生關係，只不過外界冇提及，每每將性事誇大。再者，現時我嘅朋友圈大約有過千人，而同我有過不同程度性關係嘅不足一百人，比例微不足道，又點可以話我性濫交呢？」阿妹呢種反智兼無賴態度，喺脫星界非常受用，起碼可以滿足「性情」中人，但用喺現實生活中，真係激死老竇搵山拜囉！
出生日期：1983年2月17日
三圍：36DD、27、36
撰文：祖