蘇珊以前係一個肥妹，體重最高時有成一百六十幾磅，搞到男友都棄佢而去，於是痛定思痛，決定去減肥，經過三個月地獄式訓練，蘇珊得番一百零六磅，身材有前有後，玲瓏浮凸，行出街個個男人見到都嘩嘩聲叫！
而蘇珊第一個任務，就係去舊男友莊臣面前示威，據講莊臣識咗個二流模特兒嘅有錢女，希望巴結佢進入上流社會，於是蘇珊更想「為民除害」，記得莊臣每日放工後，冇節目就會去做健身，於是蘇珊就特登喺健身中心出現，而莊臣真係完全唔認得佢！
蘇珊故意做一啲性感動作吸引莊臣，話咁快莊臣就上釣，仲答允送佢返屋企，點知蘇珊反客為主，話想去莊臣屋企，莊臣開頭都有啲猶豫，蘇珊就追問是不是有女友在家，莊臣當然話冇，惟有無奈帶咗蘇珊回家。
蘇珊一入屋就剝衫，話想沖涼，同時就偷偷打了一個電話，而莊臣見新認識嘅女友咁大膽，於是開定香檳，調好燈光，再播埋催情音樂，當蘇珊沖好涼出嚟嘅時候，身上只圍上毛巾，仲喺莊臣面前百般挑逗，問莊臣靚唔靚？
莊臣早就暈晒大浪，於是猛話靚，之後蘇珊更將毛巾一拉，完美嘅身材展現眼前，蘇珊再問自己嘅身材靚還是女朋友身材靚呢？莊臣即刻發誓，話所有女朋友嘅身材，都冇一個及得佢。
蘇珊嫣然一笑，令莊臣再按捺不住，於是撲埋去，蘇珊東躲西藏，最後逃至大門口，就喺呢個時候，莊臣正好撲正接了電話回家的女友，蘇珊話：「原來你已經有女朋友，仲想呃我……」拿回衣服就離開，莊臣事後當然水洗都唔清啦！
撰文：小德