聖誕節最開心嘅除咗狂歡派對外，梗係唔少得聖誕禮物啦！不過大家喺準備收禮物嘅同時，有冇諗過送啲乜嘢禮物畀你嘅另一半呢？今次就為大家介紹一啲既實用又有趣嘅情趣用品，可以畀到對方驚喜之餘，仲可以同另一半喺佳節晚上，享受一段回味不已嘅銷魂夜！
日本某大牌子胸圍廠，推出一個令人意想不到嘅「我的水田胸圍」！呢套胸圍特別嘅地方，在於佢將心口嘅胸圍，搖身一變成為兩個花盆。用家可以喺花盆度種植水稻，唔單止別出心裁，而據試戴過呢個胸圍嘅內衣模特兒青山玲子表示，佢嘅舒適度比得上一般嘅胸圍之餘，更有極佳嘅承托力。為咗方便用家種植，隨胸圍附送一個小型隨身花盆、輸水管等裝備，而胸圍肩帶更附上可驅趕雀鳥嘅反光片，着住佢出街認真搶眼！
坊間嘅袖珍震蛋一般都只有一個速度，而外形亦冇乜特色。不過呢個震蛋就唔同，除咗外形夠閃外，仲具有三段變速嘅設計，方便用家因應個人需要，調校出唔同嘅震速。呢個袖珍震蛋更採用全天候防水設計，喺寒冬同女友浸浴缸嘅時候，亦可以拎出嚟同對方大玩特玩。此外，隨震蛋更附送天然成分製成嘅按摩膏，不但能夠提升皮膚嘅敏感度，更具有催情作用，令女友興奮到大叫出嚟！
如果覺得袖珍震蛋嘅震速，未必可以帶嚟滿足嘅話，咁就要試吓呢個強力震棒喇！事關呢支震棒內置咗一個強力摩打，當按下開關後，不但能夠帶畀用家極速震動所帶嚟嘅無比快感，而喺棒身上更設有輕觸式速度調校掣，用家只需一隻手指，就能夠隨心所欲地控制震速。另外，圓圓嘅棒端以像真軟膠製成，既可帶嚟非一般嘅質感，而棒端下嘅特殊設計，更可讓佢靈活轉向，輕易地刺激到身體任何一個部位，呢勻真係爽到震！
唔少人都鍾意聖誕夜喺屋企擺放蠟燭，用以營造節日氣氛同浪漫嘅感覺。不過大家又有冇諗過，呢啲蠟燭仲可以有催情嘅作用呢？呢支蠟燭唔單止外形美觀，燃燒時間長達四十二小時外，最有趣嘅地方就係可以用嚟按摩！用家先將佢滴喺對方嘅身上，然後再慢慢地按摩，不但可以為對方舒筋活絡，而當蠟燭內嘅催情成分滲入皮膚後，更可燃起慾火，一場溫馨床戰就由此展開！
撰文：阿豪