大家有冇諗過，自己會成為鹹片中嘅主角呢？有色途老馬報料，話西安有啲賓館，表面上係供玩家揀女兼曳曳嘅色慾場所，但原來房間內居然廣布偷拍鏡頭，將激戰場面攝製成情慾鹹片，然後作販賣用途。懵然不知嘅玩家，就咁變成鹹片中嘅主角，你話係咪慘情先？
有知情嘅玩家表示，呢間賓館雖然規模唔算大，而且位處偏僻，但由於有囡囡供玩家秘密尋歡，加上囡囡嘅質素甚高，最重要就係消費較其他賓館同髮廊便宜，故此吸引唔少玩家到臨竊玉偷香。不過原來呢間賓館之所以價錢吸引，原來係有原因，就係喺佢哋嘅房間，以至浴室內，都設有多個角度嘅鏡頭，不但能夠將房間內男女嘅一舉一動盡收鏡頭內，甚至男女主角嘅生理特徵，亦能睇得一清二楚。有關賓館將影像收錄後，就會刻錄成光碟，然後透過地下市場推出市面，玩家就咁喺唔知情嘅情況下，變咗鹹片男主角。
為咗方便安排拍攝，呢啲內置偷拍鏡頭嘅房間，一般設喺冇安裝窗門嘅密室中，一來可以方便收音，二來亦唔怕房外光線，影響偷拍嘅質素，故此有玩家表示，如果唔想莫名其妙地成為鹹片男主角嘅話，去到呢類賓館嘅時候就要留意，睇吓有冇呢啲咁嘅設備。不過話說回來，咁係咪代表如果唔想成為被偷拍對象嘅話，只要唔去呢啲密室就得呢？其實亦唔一定，因為有啲房間，會喺浴室度裝置偷拍設備，偷拍玩家喺廁所嘅一舉一動，故此最好嘅辦法，就係唔好貪平去到呢啲價錢相對其他賓館平一大截嘅地方尋歡。
既然呢間賓館都通咗天，玩家去之前都會打醒十二分精神，避免成為鹹片男主角，咁作為女主角嘅囡囡，佢哋又知唔知道呢間賓館有景轟呢？據有關人士透露，其實囡囡都唔知賓館房內設有偷拍器材，除咗因為佢哋流動性大之外，賓館每隔一個月，就會將囡囡調去其他賓館搵食，既可保持囡囡嘅新鮮感，而拍出嚟嘅片，當中嘅女主角又唔會重複。雖然有啲知情玩家，事後想同賓館追究，但礙於佢哋確實喺賓館內同囡囡發生超友誼關係而唔敢張揚，加上賓館以走鬼檔形式經營。當玩家去到找晦氣時，好多時已經人去樓空。
內地嘅賓館良莠不齊，而最為人詬病嘅就係佢哋嘅衞生狀況。床上有蝨、老翻洗頭水、洗極唔乾淨嘅沐浴露等外，更有玩家曾經用過佢哋嘅毛巾，搞到惹上性病！故此各位玩家為安全計，爆房都係搵間大型嘅酒店，就唔會咁易中招。
撰文：阿豪