讀書想畢業要考試，想搵到份好工又要考試，估唔到做風俗孃都要考試，先至可以搵食！日本東京有風俗店，為咗提升服務質素，每名加入嘅新女，都要先經過為期一個禮拜嘅集訓，跟住再經過玩家嘅測試，先至可以提供服務，絕對有水準保證！
以前想做風俗孃，只要係女人就得，但家陣日本嘅風俗界競爭激烈，加上玩家又奄尖，有啲風俗店為咗保持競爭力，於是為旗下新到嘅風俗孃，舉辦畢業考試，只有成功過關嘅風俗孃，先至可以走到前線，為玩家提供服務。據有關風俗店嘅負責人表示，佢哋之所以對風俗孃嘅挑選咁嚴格，係因為眼見現時嘅風俗店喺風俗孃嘅培訓上缺乏統籌，以致服務質素參差，故此佢哋不但為風俗孃提供培訓，仲要通過考試，從而保證服務質素。
據講風俗孃嘅考試項目分為三項，分別係服務態度、性愛技巧同埋事後招呼。前者就要睇風俗孃嘅服務夠唔夠貼心，尤其係面對無理取鬧嘅玩家時，能唔能夠保持親切嘅服務態度。性愛技巧則要睇吓佢哋嘅簫技同手技，可唔可以令玩家有回味不已嘅一發。至於事後招呼方面，就係觀察風俗孃喺幫玩家舒筋活絡後，能否令玩家有賓至如歸嘅感覺。為咗能夠考試公平，風俗店更請嚟玩家作為考官，透過佢哋嘅親身經歷，為風俗孃評定分數。
想成為考官嘅玩家，就要預先畀一萬八千日圓，折合約為一千七百港元嘅報名費畀風俗店，仲要接受一個鐘頭嘅考官培訓，等佢哋明白應該點樣評分，先至可以正式同風俗孃埋牙。雖然價錢係貴咗啲，但有成為考官一員嘅玩家表示，呢班新女為咗博取考官嘅歡心，都會落力招呼，殷勤嘅服務態度，甚至比經驗老到嘅風俗孃更好。另一方面，最令試過嘅玩家難忘嘅係，呢啲新到囡囡嘅反應夠真，最啱啲鍾意囡囡好反應嘅玩家喎！
撰文：阿豪