日本普通漫畫周刊為刺激銷量，不時會加插裸體女郎硬照，為避開監察，又唔會令女讀者尷尬，通常都會將艷照封上。男士要睇，就好似拆禮物咁，一頁頁撕開女模的神秘面紗，非常過癮！
呢種雜誌封面印有「袋どじ」字，即表示今期有嘢睇，雜誌雖然加插裸照，但其他內容並非色情，所以大街大巷睇都不會被視為鹹濕。不少日本男人遇上的問題與筆者一樣，買完後急急欲揭，但裸照被封，喺便利店又唔好意思拆，拆咗喺電車又唔敢睇，女友喺身邊更加要一忍再忍。不少日本藝人都承認有呢種睇鹹書的煩惱，型男小栗旬、瑛太及妻夫木聰分別喺電視節目上分享佢哋睇鹹書嘅方法。
當中最硬漢子的算是小栗旬，他說如果內容吸引，會唔理三七二十一，不管身邊人點睇，會即時撕開滿足一己私欲才收手；文質彬彬的瑛太絕對是藝術家，買了雜誌後不會立即拆開，會慢慢幻想，過了一段時間，抵受唔住誘惑才施施然沿着虛線撕開；怕醜型妻夫木聰是一般男人的寫照，旁人在場，不分男女，也會緊張起來，當獨自一人時就會忍不住急急大力扯開。
日本人喺性方面好明事理，有女性雜誌向女人過招，如果見到男人在你面前撕開鹹相，請別動怒，婉轉說一句「不如一齊睇啊」，又或者「原來你喜歡這種身材o架！」對男人幽默一番，總比訓話好得多。
撰文：慾海