光頭德：我同女友拍拖半年，做愛次數寥寥可數，初時以為有家人喺屋企唔方便，於是索性搬出嚟住，點知情況並冇改變，十次有九次都拒絕我嘅性要求，就算肯做，佢都只係敷衍了事。呢排我發現佢成日匿埋喺廁所，仲傳出微弱嘅呻吟聲，衝門一睇，竟見到佢喺度自慰，當時我真係嬲，仲同佢吵大鑊，真係唔明白佢點解寧願自慰都唔肯同我做，究竟係我有問題定係佢有問題呀？
Jimmy：作為男人，我好同情你嘅遭遇，但俗語話凡事必有因，斷估你女友唔會無端端有呢種行為，之不過我仍建議你先檢討一下自己嘅床上表現，若然你喺每次做愛嗰陣都搞到女友欲仙欲死，相信佢都唔會咁做啦！
A君：我覺得有啲男人經常將問題推到女人身上，明知自己做錯又喺度死撐，真係冇品到極點！我可以話畀你知，你女友唔願意同你做，肯定係同你嘅表現有關，唔識得顧及佢嘅感受，所以佢先會寧願靠自己雙手去解決需要。
小悠悠：雖然事情已經發生咗，但我仍希望你倆可以冷靜落嚟，搵個機會同女友坐低慢慢傾吓，搵出問題成因。仲要記住嗌交唔可以解決問題，反而令兩人關係愈來愈差。兩個人一齊，最重要係坦誠相對，有乜嘢唔可以拎出嚟講呢？