雖然刮王唔喺香港，但一樣有留意新聞，近日好似話又講緊最低工資問題，仲有就係一間出名嘅餐廳因為工資問題，搞到成為全城焦點。其實呢個問題唔單止喺香港發生，就算曼谷夜場一樣有呢個問題，特別喺近呢幾個月，曼谷已經全面恢復正常，來自世界各地嘅客人多到不得了，所以好多小姐就開始吊高嚟賣，即係話如果間場嘅條件唔好，就走人唔做，因為依家客多，幾乎間間場都請小姐。
早兩日刮王就聽幾位小姐話，佢哋都希望間場有最低工資。聽完後就覺得奇怪，小姐有客就有收入，無開工就無錢，咁何來最低工資？就係因為呢個問題，原來小姐同間場拆佣就照舊，但係就要求有額外人工，其中一位小姐話佢哋落力幫間場搵客，但係間場食水太深，所以覺得唔抵，應該要同小姐共同分享成果。
即係話如果小姐一個月可以搵到三十位客人，就可以得到額外錢。刮王聽落都覺得有道理，因為間場如果可以做得更好，以錢去吸引小姐努力工作，其實都係一個互惠互利嘅做法，咁又可以一家便宜兩家着。
撰文：刮王