今年唔知點解咁多人結婚，真係做人情都做到窮！搞到我最近每次接到銀行或財務公司嘅電話，都有衝動想拎筆貸款用吓！不過，當我問到佢哋：「係咪借咗唔使還架？」推銷員就不問情由收我線！大佬呀！做完人情，又可能要夾錢送份結婚禮物，咁重皮費，真係搞到我借咗之後冇錢還吖嘛！提到結婚禮物，又真係令人諗極都諗唔到買乜好。在此，小弟我就隆重推介一件合適禮品。呢一套Vibrator Chess Set，製作到好似西洋棋盤咁，但係一拉開棋盤就可以見到32隻棋，應該係震棒先啱！每款震棒外形不同，造型相當精美兼大陣仗，作為結婚禮物實用性強又有睇頭，真係Fit到震！至於售價就貴咗少少，一套要七千蚊美金，約為五萬四千幾港紙，真係要搵多幾十人夾錢先得喇！