最近僱主聯會提出，建議打工仔加薪百分率為2.5至3.5%，好多人都轟佢哋嘅建議不切實際。不過，鬧之前都要了解箇中理由先！就好似小弟一個開印刷公司嘅朋友咁，佢最近就為盤生意感頭痛，因為佢有單都會交上內地廠印刷，大家有北上都知啦，人民幣匯率不斷上升，家陣一百蚊港紙先兌到約八十五蚊人仔，真係水瓜打狗唔見一大截，原本幫襯一個五百蚊人仔邪骨套餐，變相即係要成五百八十幾港紙喇！家陣咁多公司都要同內地公司合作，生意往來嘅時候自然令皮費愈來愈重，加薪幅度唔理想都或許情有可原囉！
撰文：賢