大熱天時，大家搭車嘅時候，最怕係遇到大汗嘅人，一身濕晒之餘，仲要發出陣陣臭味，都咪話唔難頂。之但係有人就好鍾意汗，特別係由靚女身上流出嚟嘅，有男人話聞到呢陣味就會覺得興奮，所以話呢個世界上真係無奇不有。刮王早兩日去過曼谷一間夜總會，入面唔知做乜啲冷氣好弱，但係啲人就起勢咁跳舞，只見台上嘅小姐跳到身水身汗，而且側邊亦有客人陪跳。見佢哋跳到好狂，客人仲係咁聞小姐身上嘅汗，睇落都有多少惡心。原來呢間場就係專登玩「香汗之夜」，夜場話有一班客有特別癖好，好鍾意聞小姐身上嘅汗味，所以就將冷氣校細，在場嘅小姐就跳到出汗去吸引客人。