點先為之(火羅)爆！舉個例，當事人吹水唔抹嘴，吹到自己身嬌肉貴，點知畀人踢爆係地底泥，咁就可算(火羅)爆囉！而Sophie Paris肯定係近期脫星界最(火羅)一員，事關阿妹多年嘅大話，今日終於畀姊妹起底，但佢竟然大叫So What！
究竟Sophie Paris衰乜嘢搞到今日畀人唱通街？之唔係話身世囉！話說七年前出道嘅阿妹，當時係威係勢，話自己係天橋超模，受重金禮聘而加入脫星行列，仲對傳媒講公司點樣禮待佢，慌死人唔知咁款！雖然當時冇人懷疑佢嘅出處，但奇怪係一件冇波冇籮嘅囡囡加入四仔界，有乜值得咁大支嘢！但你咪理，只要有人捧就係明星，Sophie Paris喺人前受盡萬千寵愛，結果話咁快就坐穩公司一姐之位。當事人更寸爆話：「原來四仔錢咁易賺，假如早幾年入行，相信今日已經退休！」當然阿妹就得把口啦，結果玩咗七年，今日仲非常活躍添！
頭幾年嘅四仔生涯，Sophie Paris上位非常容易，可能係競爭對手少，又或影迷盲目追捧，阿妹要風得風，既毋須外形包裝，連34B都唔走去隆胸，難怪四仔迷睇到眼火爆，但Sophie Paris嘅解釋相當趣致：「我係一位超模，身材當然係超模級，若然我硬改身形，搞到不倫不類，影迷反而會討厭我！」咁都畀你過到骨就抵你發啦！好在天有眼，早前佢嘅閨中密友就抵受唔住阿妹口舌招搖，發財唔立品，於是向傳媒公開佢嘅惡行，更大爆Sophie Paris未入行前喺捷克做邪骨妹，並奉上骨場合照做證，咁樣過阿妹一戙可謂大快人心。可惜嘅係，佢喺呢行都浸淫咗七年，要搵嘅錢都夠養老，難怪仲可以大大聲一句So What作還擊啦！
Sophie Paris小檔案
出生日期：1980年8月31日
三 圍：34B、22、34
身 高：5呎8吋
撰文：祖