內地現正進行全國大清洗，黃賭毒統統收檔！奈何魔高一丈，有錢搵自然有人敢冒險。最近東莞夜場就改玩包囡制，一個新低價就可包囡歎足七日，甚至再短兩三日都有得傾。玩法咁彈性，難怪各路玩家都北上做大爺啦！
所謂嘅包星期玩法，其實等如當年嘅包月制，之不過以往要包囡肉價高企，而今日只需要按正常肉金就可以包囡玩幾日，難怪嫖客都爭住入場揀囡包！
據東莞某夜總會經理表示：「呢種包囡玩法非常實際，例如囡囡正常每鑊肉金一千，包七日就係七千，但今時今日冇人願意用七千元包囡囡一個星期，所以我哋會收半價，即是三千五百元就可以帶囡出街，圍起只不過係五百元一日。」不過夜場並冇房間提供，亦即是話包囡期內，囡囡起居飲食要由玩家支付！一個實價就可以包囡任玩，計計數的確有賺。
玩家阿海就自言剛啱包囡回港，對於呢種以日包囡制，佢認為非常抵玩。阿海話：「我每星期總有幾日北上做嘢，住酒店入公數，房錢已慳番唔少，另外以往我去骨場玩，兩小時落樓都五六百人仔，依家包足廿四小時都只不過同價，點計都有着數啦！話雖如此，原來包足廿四小時唔代表一日到黑玩晒，據經理講，包囡前會同人客講明規矩，首先囡囡每日有權離開人客四小時做自己嘢，其次電話不離身，以方便聯絡，第三囡囡每日只包兩次性交易，超過囡囡可私下要求人客即時加錢，若人客唔應承，囡囡有權拒絕要求！
雖然規矩多多，但依然無損玩家包女意欲，玩家反而組團北上包囡，據阿海話：「唔少嫖友都幾個一齊去包囡。之後帶去其他地方玩，近近哋去吓廣州，我亦聽聞有玩家拉囡去肇慶歎六星級度假酒店，當女伴玩足七日添！」至於較難放多幾日假嘅玩家，最普遍係玩三日兩夜，先致電經理留囡，到星期五晚放工就上去會合，直到星期一早上放人。
包囡制目的無非係避過過渡期，只要風暴一走，夜遊界又冇呢支歌仔唱，因此各路玩家都怕蝕底湧住北上揀囡，但阿海就發現，囡囡質素愈嚟愈差，可能畀人客包起，亦可能囡囡唔肯做，阿海解釋：「我算係第一批上去包囡玩，初頭都有幾件筍盤，到半個月後再去，啲囡已面目全非，唔化妝肯定嚇死人！有師兄就表示索嗰啲囡被台灣佬包起晒，明顯係對方捨得使錢，話唔定油水仲多過肉金，另一講法係啲囡試做過一次覺得太困身，情願匿喺個竇休息好過喎！」
有人認為包七日抵玩，但亦有玩家投訴不少取巧，好似一位網友巨炮就話，包囡肉價尚未計媽咪佣金，帶囡出街前對方會走埋嚟同你攞，由每日五十至八十不等，假如玩三日至少唔見百五，另外，囡囡亦非善男信女，喺東莞搵食自然識架步，出入例牌坐的士，三餐要高級餐廳，有時仲要食消夜，下午無聊就拉人客去行街睇戲，感覺似你養佢多過包囡，想靜靜哋喺酒店浪漫，休想！
撰文：祖