家陣啲邪骨場，每日都有幾場騷演出，囡囡除咗要全部出席之外，仲要抽時間嚟練習，事關走騷時一定要配合音樂，無論走動、轉身、定式等都要配合拍子，如果跟唔上就會好肉酸，而囡囡為咗喺台上走得好睇，仲會各出奇謀添！
據資深骨女小紅透露，佢哋喺入職時，主任經理就會教佢哋走一兩次，當第一晚走完之後，只要唔係太差，日後就唔會再教，囡囡只可以打天才波，但如果本身有跳舞底或者天資聰穎，愈走愈好，老總就會將走得好嘅囡囡升上模特兒或者舞蹈員組，日後嘅肉金自然多好多，每個客大約相差三四百蚊，所以一個月計起嚟，差成萬蚊人工，所以囡囡都好想自己走得好，並各出奇謀。
最常見就係畀錢啲經理主任，等佢哋教自己幾招。小紅話：「如果你畀大紅包佢哋，除咗每次新人班都會畀你去聽，跟住同啲新人一齊練習之外，主任仲會教你幾招撒手鐧，等你喺台上走得更好睇，而且仲會教埋你邊個拍子開步轉身等。」
如果手頭冇錢，就可以搵啲有經驗嘅姊妹幫手，一般都係搵自己嘅同鄉最多，唔係就好難拉到關係。小紅話：「其實最緊要就係識得數拍子，識得音樂嘅就好易學識，五音不全嘅，想學識真係難過登天，但為咗搵更多錢，大家都會努力學習。」
又冇錢又冇同鄉，就要自己多啲練習，但由於冇音樂，唔係你話練就練，於是有囡囡就會色誘侍應，等喺朝早放佢哋入去練習室偷偷練習。小紅話：「好多囡囡都係用呢招，氹掂一個年輕侍應，每朝就同佢先嚟個『早餐』，然後就練習，囡囡其實都十分苦心，因為當其他人仲瞓緊覺，佢就要起身練習，仲要犧牲色相，但如果表現突飛猛進，等老總提拔一下，就乜嘢犧牲都係值得嘅。」
家陣啲骨場，以囡囡嘅組別嚟劃分收費，一般B牌最平，上一級嘅係A牌，再上一級就以唔同嘅功能嚟區分，例如小公主、模特兒、車模、舞蹈員等，而所謂嘅分級，除咗以囡囡身材樣貌衡量之外，仲會以走騷嘅好壞嚟區分，假如走騷都唔識，就好難做模特兒，但如果走得似模似樣，就好大機會入模特兒組，享受該組嘅福利同報酬。
撰文：小德