問：雖然小弟經常北上玩樂，但每次同囡囡曳曳都好小心，每逢上床前必先做足安全措施，幫細佬笠番件雨衣。早排同囡囡上床時，至發覺唔記得帶Dom Dom，囡囡見狀就拎咗佢隨身帶備嘅安全套出嚟畀我用，過程本來相當愉快，點知完事後開燈，至發覺囡囡重要部位生咗好多紅點，問囡囡係咪有病，佢笑稱係暗瘡，又話帶咗套好安全，就算有病都唔使驚，跟住佢仲拎咗張由夜場開出嚟嘅醫生紙，表明佢冇問題，究竟呢張紙信唔信得過？
答：唔知仁兄依家下身有冇覺得唔舒服呢？如果覺得痕癢或有異常嘅話，記得要去睇醫生，免得延醫手尾長。老實講，雖然安全套可以阻隔大部分嘅性病病毒，但係如果剝Dom Dom嘅時候，動作唔正確嘅話，仍然有機會受到感染，加上囡囡重要部位有異常，更係令人擔心，故此你都係去睇吓醫生安全啲。話說回來，部分夜場會要求囡囡定期交身體檢查報告，驗明正身後至會畀佢返工。不過正所謂「道高一尺，魔高一丈」，醫生紙係真係假真係好難講，因此你都係睇吓醫生求個安心啦！
撰文：阿豪