家陣內地邊個場夠膽話冇優惠提供，只要人客致電預約，對方經理或媽咪即時識做，假如佢答冇，真係可以即刻收線。最近有師兄同我大軍講：「依家連電話都唔使打，有媽咪為咗跑數，全程幫我安排晒，只要我肯上去，枱面數幾乎全免！」師兄當然講得梳乎啦，其實佢係超級貴賓，每星期例牌有兩日喺場內消費，埋單動輒幾千人仔至有今日嘅服務。「傻啦，枱面酒水值幾多錢吖？畀支烈酒你，再加埋果盤小食好未？頂多咪一千幾百，唔通真係喪飲唔埋單咩，佢肯我都唔敢啦！」
除酒水消耗品，媽咪仲幫人客留酒店房甚至訂枱食飯，而最令師兄「感動」嘅係媽咪為咗請得郁人客，連七座白牌都安排好，但條件係四位以上就可成行。「簡直係富豪級享受，一出關，就有專人帶我上車，由深圳直坐去常平，四位起，費用全免，唔夠人數就同其他人同車，但咁嘅服務都夠晒癲啦！」今日嘅夜場服務，同旅行社根本冇分別！
撰文：大軍