最近內地大力掃黃，好多地方嘅夜場都要冚旗熄燈，暫停營業，但聰明嘅夜場負責人又點會坐以待斃，特別係租咗酒店地方嚟做生意嘅夜場，佢哋租金人工每月照支，點可以唔做生意？於是有夜場推出伴浴服務，實行偷雞營業，一於密食當三番！撰文：小德
就好似喺長沙一間大型連鎖超巿對面嘅酒店七樓，就有一間暫停營業嘅骨場，如果客人由七樓出升降機，就會睇見門口封咗，但如果你由六樓出升降機，再由後樓梯轉上七樓，就會發現裏面坐咗十幾廿個囡囡，負責人見有客人上嚟，就會過嚟招呼。當客人問有乜嘢玩？佢就話會提供伴浴服務，客人揀啱囡囡之後，就可以用佢哋嘅房間齊齊鴛鴦戲水，而成個沖涼過程，當然提供埋色情服務啦！
佢哋日頭嘅囡囡比較少，但到咗五六點鐘，就會有二三十個囡囡返工，大多數都係以前嘅桑拿技師，因為個場要勒令整頓，囡囡手停口停，於是惟有伴浴都做，收費方面叫價兩百，但當地人幫襯百五蚊就有交易，價錢真係好吸引。
服務方面，囡囡帶客入房，馬上就剝衫沖涼，沖完涼就上床開工，冇按摩服務，冇前奏工夫，客人同囡囡大戰完之後，就沖涼着衫走人，有啲似髮廊嘅玩法，但佢就喺酒店房裏面，衞生程度比髮廊好好多，起碼都有個似樣啲嘅浴室。
至於囡囡嘅收入，大多數都係六四分帳，囡囡佔六成，每次可以拆到九十至百二蚊左右，聽落好似好少，但佢哋密食當三番，一日只要做到三四個客，就可以賺到三四百蚊，一個月落嚟，就可以有萬零蚊嘅收入，而個場更可以賺到幾十萬嘅收入。至於客人來源，大多數都係熟客或者係入住酒店嘅客人，另有少部分係由蛇仔喺街帶上嚟。至於自己摸上門，對唔住，一定畀人趕走，所以夠晒安全！
掃黃期間好多夜場都會被封，有唔少老闆見風聲冇咁緊，就會偷偷開門營業，例如由後門出入等，大家去幫襯呢啲場，真係要好小心，因為萬一被人捉到，絕對冇情講，處罰起嚟更會加倍懲罰，理由好簡單，封咗嘅場你都敢入，擺明唔畀面，你唔畀面，有關方面自然唔會畀面你，幫襯前真係要三思！