做小姐呢一行大家會點睇？好多人都當佢哋係一種商品，但係其實小姐都係人，佢哋都有感覺，可以唔開心亦可以唔想做。講到咁感性做乜？其實刮王早前去過曼谷一間夜總會，當晚嘅主角並唔係任何客人，而係小姐，因為間場搞咗個聯歡會，等佢哋可以同客人一齊玩番晚。眼見小姐上台講感受，有人講自己點畀客人鬧，亦有人講客人對佢點好，而台下嘅客人亦有上台講番自己付出金錢，希望小姐可以畀到幾多服務佢。
間場個經理話呢個做法非常正面，因為客人同小姐嘅關係雖然短暫，但就如僱主同傭人關係，畀錢你服侍我一樣。大家可以講多啲，誤會自然減少，就好似其中一位客人講，自己同小姐玩嘅時候，最唔鍾意小姐噴太多香水，因為佢聞到香水會「唔得」，咁唔得嘅意思，原來係會搞到細佬都冇厘反應，咁呢一類事情就大家都冇錯，如果雙方可以體諒一下，咁客人會更好玩，小姐亦唔會畀客人鬧。呢個咁特別嘅晚會，最後環節更由在場客人抽獎，送出公仔畀小姐，大家玩得開心，咁以後入房就可以更合拍啦！
撰文：刮王