《本草綱目》記載：「腎乃先天之本，生命之基。」如果腎氣衰弱，就難免百病叢生，所以想活得健康長壽，就一定要好好養腎，特別係男士，由於力從腰發，腰從腎起，腎臟衰弱就會變得有心無力，做乜都冇晒興趣，連性生活都會大受影響！
我哋要好好養腎，咁食乜嘢可以輕鬆補腎呢？原來唔使食乜嘢人參、鹿茸、海狗鞭等名貴藥材，一般街巿裏面買到嘅食材，當中有唔少就可以做到補腎氣、填精血、壯元陽嘅作用，而大家最常見嘅就係海產食物，例如蝦、蠔等。
海產食物大多數含有豐富的磷和鋅，可以令男性精足神滿，提高性能力。至於有人喜歡食生蠔，建議中國人都係熟食好啲，另外烹調時要加入薑葱等去除本身寒性。
除咗海產之外，植物方面嘅韭菜，又名壯陽草，對腎虛陽痿、遺精夢泄、勃起障礙等都很有幫助。另外，大葱、黑芝麻、木耳、菠菜、黑豆、果仁等食物都很有幫助，當中有豐富嘅維生素B，還有鋅、鎂、錳等物質，有助增強性功能。
最後要介紹嘅就係雞蛋，咪睇小經常都食到嘅雞蛋，原來佢係性交後最佳嘅「復原劑」，因為雞蛋裏面含豐富嘅蛋白質，係做精子不可以缺少嘅營養物質，有助精子再生，而且可以消除疲勞，恢復元氣，所以記住咪喺親熱前食，而係喺完事之後食架！
撰文：小德