唔知點解，有啲蒲友出嚟玩嗰陣都會零舍多嘢講、多嘢問。早前我大軍同個深圳骨妹吹水，佢坦言最怕遇到呢類口水多過茶嘅客人。「曾有一個中年客人，佢每個禮拜都會上嚟搵我一次，而一個月就會上嚟四次。喺呢四次交易中，通常只有一次係埋牙實戰，其餘三次，都係佢同我喺床上面吹水，例如講吓佢以前家財萬貫，幾咁風光，做過啲乜嘢大生意等，又會講吓佢以前溝到啲女有幾靚，喺床上面服務得佢有幾好，跟住就彈家吓啲囡囡服務差，收費又貴等等，總之就係不斷緬懷以往嘅日子。」
呢位骨女又話，有時聽到標晒冷汗，因為實在係太悶，如果呢個男人唔係佢嘅熟客，一早就踢佢走，免得繼續耳朵受罪。我大軍認為，要不斷聽人哋依依哦哦，確實幾令人煩厭。但話分兩頭，我又覺得呢位骨女都幾幸運，事關佢可以遇到呢類騎呢客人，齋Talk唔使做就有錢收，總好過做一具人肉機器，受盡皮肉之苦嘛！
撰文：大軍