答：據傳統習俗講，一到農曆七月，鬼門關就會大開成個月，好多遊魂野鬼就可以穿梭陰陽界，嚟陽間「個人遊」，由於佢哋屬陰，所以喜歡去啲偏陰嘅地方，而夜場就係其中最受佢哋歡迎嘅地方之一。喺香港一到七月，氣氛就會更濃，由於周街會燒街衣，所以大家都會有點在意，但喺內地，好多外省人連盂蘭節係乜嘢都唔知，所以佢哋一啲都唔怕，繼續骨照揼，舞就跳，所以大家返上去玩，就唔使咁擔心，一於百無禁忌。至於有啲乜嘢禁忌，前輩教落，第一切莫醉酒，因為飲到癲，據講好易被邪嘢上身，所以要小心，第二切勿爭執，因為唔知同你爭執嘅係人定係鬼，所以凡事以和為貴，最後就係小心飛來艷福，畀艷鬼纏身，隨時惹來一身蟻。
撰文：小德