近期我大軍收到不少師兄爆料，內容同樣係喺骨場搞到囡囡見紅，驚嚇之餘仲要賠錢了事！綜合佢哋嘅經驗，師兄話本來同囡囡玩得好開心，直到埋身肉搏時，就發現囡囡下體有血，初時佢懷疑係囡囡月事來潮，但對方話無可能，仲反咬人客動作太粗暴而整傷咗搵食架生，要求人客賠償。
對於欠缺經驗嘅初哥，必定會私下賠錢，息事寧人。亦有老手會選擇搵經理做公正人，雖然最終亦係賠錢了事，但總好過任由囡囡屈。但問題係，究竟點解會有血嘅呢？有囡囡爆料，其實係囡囡趁人客唔為意時，將血丸放入體內，血丸受到體溫及衝擊，膠囊會慢慢溶化，到性事結束人客清潔時就會發現「血漬」，但其實呢啲並非血液，只係可食用染色素喎！
我大軍冇興趣了解色素是否有害，但囡囡用呢啲招數呃人客，實在太無恥，假如下次遇到呢啲囡囡，各位不妨當面踢爆佢！
撰文：大軍