光頭德：最近我搭上咗一個失婚冇耐嘅年輕少婦，大概二十多歲，身材超索，真係好吸引架！有晚佢嚟咗我屋企玩煮飯仔，之後我哋就發生咗關係。老實講，佢嘅性技真係好掂，簡直令人非常難忘，我更發現自己愛上咗佢，之不過佢話仲未可以忘記以前嘅老公，所以唔想同我一齊，究竟我點樣先可以令佢忘記過去呀？
長腳豪：雖然呢個少婦已經跟老公離婚，之不過佢似乎依然未能拋低感情。老實講，要令佢忘記過去嘅最佳方法就係「等」，時間可以沖淡一切，包括佢對老公嘅感情。
康仔：某程度上，我覺得你暫時唔可能取代佢老公嘅位置，事關呢個少婦根本仲好愛佢老公，就算佢願意跟你上床，都只係為咗解決生理需要，所以拒絕你係好正常嘅事。
Helen：要知道女人對感情非常重視，跟男友分手可以有死去活來嘅感覺，更何況對方曾經係自己嘅老公？就算嗰個少婦肯同你一齊，都係得到佢個人，得唔到佢個心囉！