如果兩公婆出現性趣下滑嘅情況，或者嫌對方床技不佳嘅話，呢個時候除咗求助於性學專家外，仲可以搵艷星幫手解困。事關美國邁阿密就有班艷星，提供性愛臨床服務，專為呢班對性愛感到困擾嘅男女，重燃性愛樂趣。
講到床技，相信四仔女星絕對超班，而美國邁阿密就有班艷星，佢哋利用豐富嘅床笫經驗，造福天下對性愛感到煩惱嘅男女，推出性愛臨床服務。據呢項服務嘅負責人Kristin解釋，唔少男女對性愛抱有疑惑時，都想求教性學家。不過性學家主要從理論出發，講到實質經驗就及唔上佢哋，加上佢哋嘅床技久經鍛煉，並具有實戰成效，故此正好滿足有關人士嘅需要。
有興趣嘅男女，可以先登入佢哋嘅網站進行登記，然後再寫出遇到嘅問題。艷星收到「柯打」後，便會因應客人嘅需要，安排艷星導師登門造訪。導師上門後，便會查詢有關嘅困擾或問題，然後提供意見，例如有女士表示，老公嫌佢床上冇反應嘅話，艷星就會叫該女士同老公當面曳曳一次，然後搵出當中嘅問題所在，等佢可以提升床上戰鬥力。
曾經試過呢種服務嘅Patrick認為，呢種服務特別之處，在於導師會現場觀戰，搵出當中嘅問題所在，加上艷星嘅床上及演出經驗豐富，就算喺導師面前同女友曳曳，佢都唔會覺得尷尬，最重要就係導師嘅意見相當有用，可以一針見血地帶出問題，因而令佢獲益良多。雖然服務具有成效，但係收費卻一啲都唔平，每小時收費就要六百美金，折合約為四千六百八十港元，價錢都幾乸脷！
撰文：阿豪