喺內地，凡事無所不能、無所不做，就連夜場囡囡瞓覺休息嘅公寓，一樣可變身賣淫架步！喺發達嘅城市如天津等地，由於樓價令打工仔無法自置物業，連租樓都出現困難，一向用作租畀夜場囡囡休息嘅公寓，亦要分租畀白領一族，仲引誘佢哋玩埋一份！
諗得出呢種鬼主意嘅相信只有賣淫集團！事緣內地夜場女一向會租用由公司提供嘅公寓，一來租金較平，二來姊妹同住有個照應，三來出入返工放工坐車會節省車資，一向相安無事，但近月開始，有夜場囡囡爆料，不少公寓原為夜場老闆所有，當發現公寓一帶有發展潛力後，負責人就會將公寓翻新，然後再放租。於天津搵食嘅夜場女菲菲話：「起初以為佢哋咁好心幫我哋翻新宿舍，原來另有目的。未裝修前每層有四至六間套房，一間房住兩至四位姊妹，向來相安無事。但改建後一梯變八伙，更發現套房招租畀一啲白領男士入住，換句話講係囡囡同男人住，情況相當尷尬。」
阿女更話附近所有街坊都深知公寓專為囡囡而設，因此平日都盡量避開此處，但老闆改建公寓後，一方面多收租，二來可利用囡囡引誘人客幫襯！「班老細真係諗得好盡，要我哋同外省白領同房，佢哋知道打工仔人在異鄉，單身寂寞，容易被性感夜場囡囡引誘發生不道德交易，我半年來已跟同房交易過五次，同層姊妹都有做過生意，大家就好似出街食嘢咁普通。」呢種荒唐公寓於內地日趨流行，公寓老闆除咗收租外，每次囡囡同人客交易都可抽佣。只要囡囡每月在公寓內交易達到一定次數，該月就可免租及一切雜費，難怪囡囡都不惜引誘同房上床，甚至叫同房多叫朋友上來打躉，增加生意。
撰文：祖