日本失業率高企，但有工開嘅打工仔都唔見好得去邊！喺東京，不少離鄉別井、日忙夜忙嘅打工男，由於工作壓力過大，加上薪金微薄，連拍拖都冇心機，結果成為單身宅男，同時由於長期缺乏母愛關懷，出現一種戀人妻情意，而坊間一種主婦出張服務，正好為呢班宅男減壓！
喺東京要出火可謂話咁易，事關各式各樣主題嘅夜總會一街都係，更有24小時酒店到會服務，打個電話就有囡囡上門服侍，不過大家都知道過程講金唔講心，囡囡做完即走，單身一族容易出現空虛寂寞感。
而呢間主婦風俗店正正為呢班寂寞男解慰。因為風俗店不只提供色慾服務，囡囡更會身兼母職，包括洗衫、煮飯兼訴苦，一次過滿足晒人客需要。有指風俗店玩法類似家務助理，囡囡會為人客全日服務，清潔家居後會洗衫煮飯，直到人客回家後齊齊食飯，期間大家有傾有講，話題主要聆聽人客工作怨氣，好讓人客有機會發洩工作壓力，飯後囡囡更會為人客按摩，情到濃時就可以搞嘢，到人客休息至離開。
由於服務時間長，囡囡每次出勤只可服務一位人客，但收費不會開天索價，理由係服務針對草根打工仔。而另一方面，囡囡質素亦不能要求太高，通常係三、四十打後嘅失婚婦。一般嚟講，囡囡服侍得好，人客會變熟客，將會不愁收入。有玩家表示，每星期都會電召主婦上門打掃搞嘢，大時大節雙方更會互送禮物或電話溝通。松本話：「工作壓力大，朋友又少，更冇女友，一個人真係好寂寞，難得呢間風俗店提供家務助理式服務，囡囡質素雖然一般，但會真心服務，其後我哋更變成朋友，互發短訊關心對方，可以話係一種精神支持！」
撰文：祖