歐洲爆發經濟危機，各國政府債台高築，雖然一般人如我冇咁高深去深入了解問題，不過從歐洲人嘅工作態度大概可以知道有幾危，好似來自瑞典嘅脫星Julia Crown咁，阿妹為咗睇波，竟然話要收起「咪咪」半年，就算破產都一於少理！
話實，瑞典今屆早已緣盡世盃，身為瑞典國民嘅Julia Crown，點計都唔使停工睇波咁巴閉呀？不過當事人反認為人生幾何，應該趁有機會就好好享受一下「我今年22歲，到下屆已經26歲，話唔定我已成為人妻，有兒有女，甚或唔再存在喺世上，所以做人應及時行樂，有咁大型盛事，假如錯過咗我會好後悔，影響我工作表現及生活節奏，因此我決定要請大假，靜靜地欣賞好波！」Julia Crown話。
八十後果然夠灑脫，崇尚個人主義，想做就做，阿妹似乎冇諗過放假都要食飯，唔食都要供車供樓，咁呢段日子又點過好呢？「冇認真諗過，我個人比較感性，就好似加入脫星行列一樣，想做就做。至於現階段，以我嘅條件，即使休息一年都仲生活到，況且我只短休半年，經已算保守！」呢啲咪後生仔所謂嘅「型」囉！
Julia Crown更表示，喺佢哋國家，不論老中青生活態度都一樣，其他人或會覺得好懶，之不過佢哋生活得開心，就算賺少啲錢都冇所謂。阿妹有道理，做人最緊要開心，只要唔好好食懶做，怨天尤人就得啦！但話時話，阿妹加入脫星界三年多，一直未同男優開波拍四仔，究竟又係咩心態呢？「我認為未有咁嘅需要，亦未係最好時機，皆因我唔認同脫星一定要拍男女床上戲，若然我夠魅力，單單剝衫已可迷倒眾生，我好享受呢種懶懶閒嘅生活感覺！」明白，又係一個懶字，假如新進脫星都學似阿妹嘅處事方式，咁唔知將來仲邊有人拍四仔呢又？
出生日期：1988年3月4日
三圍：32C-24-34
身高：5呎4吋
撰文：祖