問：本人因為工作需要，經常陪客人去夜總會玩，最近認識一個內地客人，佢拉咗我返深圳夜遊，本人一啲經驗都冇，但客人話由佢請客，於是膽粗粗陪佢去玩，當晚我哋一人搵咗一位小姐，飲酒作樂，最後客人埋單，仲再三同我講一分錢都唔使我出，跟住成班人再去食消夜，消夜之後，客人跟住直落，我就打算返香港，點知我個囡囡竟然問我攞小費，我唔知價錢，就畀咗五百蚊佢。請問我係咪要畀小費佢嘅呢？又應該要畀幾多至算合理呢？
答：你嘅問題，好多北行初哥都會遇過，內地夜總會嘅坐枱消費，同香港最唔同嘅地方，就係坐枱費嘅計算方式，香港會計算喺帳單裏面，有人埋咗單，囡囡就冇得再問客人攞貼士，除非有下文，收費就要囡囡同客人另行面議。但內地囡囡嘅坐枱費，係唔會計喺帳單裏面，客人搵嘅囡囡，就要自己畀小費。以深圳嚟講，坐枱一晚就要三百蚊左右，但你出去食埋消夜，就要計短聚價，一般收費五百，你家陣畀咗五百，應該合情合理，但如果同囡囡開房短聚埋，就會更加合情合理。
撰文：小德