家陣邪骨場嘅女主任，真係愈嚟愈年輕，有好多都係80後，即係30歲都唔夠。佢哋點解可以爬得咁快？每個月嘅收入又有幾多呢？今日就同大家探討一下。
家陣邪骨場愈開愈多，除咗東莞之外，連惠州、佛山、番禺、珠海等大城巿都有佢哋嘅蹤影，除咗需要大量靚女技師之外，負責日常運作嘅骨幹成員——主任，亦一樣需求好大，以一間一百個囡囡嘅骨場，最少就需要十個主任，負責日常工作。
佢哋係咪由骨女晉升嘅呢？據業內人士透露，由骨女晉升主任嘅只佔總數三成，另外有三成係由服務員晉升，餘下四成，就係由外面招請，有好多係做開酒店、酒樓嘅管理人員，加入骨場後主要負責管理工作，例如人事、採購、行政、會計等，至於搵客同訓練囡囡，一般就會由囡囡晉升嘅主任負責，但如果規模冇咁大嘅話，佢哋嘅工作有時都會撈埋嚟做。
佢哋點解個個都咁年輕呢？據講係貪佢哋夠搏，因為做得呢行，點都有啲風險，太老練嘅主任，往往會冇咁拚搏，於是搵啲年輕人嚟衝鋒陷陣，當中佢嘅哋會唔會同幕後高層有路，呢啲情況喺十幾個主任中，總有幾個皇親國戚喺度。
至於有冇主任喺個場度接客，一般情況都唔會，除非遇上舊相好或者好特別嘅安排，但都只限於由囡囡晉升嘅主任，唔通你睇中會計主任，又要人哋同你開波咩！收入方面，佢哋一般都有底薪，之後再計獎金，負責拉客嘅主任，仲可以喺客人消費同埋囡囡收入中賺取「提成」（即佣金），抽取一定比例做自己嘅收入，所以好生意起嚟一個月閒閒地兩三萬蚊收入，咁你話係咪應該搏盡佢呢！
撰文：小德