瑪莎行年三十，但都未搵到理想嘅對象，於是託好朋友安琪介紹，安琪話瑪莎咁好條件，點會有問題，只係要改吓啲脾氣。瑪莎不明，安琪就係叫瑪莎喺男人面前扮小綿羊，啲男人自然會喜歡佢。換轉喺幾年前，瑪莎會完全聽唔入耳，但年過三十，乜都以搵到對象為主，於是答允扮綿羊就扮綿羊。
安琪答應替她安排男仔見面，就喺周末，瑪莎接到安琪嘅電話，可惜接收唔係咁清楚，只聽見：「有聲氣……好快見面……」之後就斷咗線，就喺呢個時候，門鐘響起，一個靚仔出現瑪莎眼前。心諗：「唔通安琪安排嘅，就係呢個男仔。」於是第一時間拉佢入屋，仲將最貴嘅紅酒開畀個男仔飲，個男仔每次想開口，都畀瑪莎阻止，要佢食呢樣，飲嗰樣，當瑪莎灌到個男仔面紅紅時，就問個男仔今次嚟想做乜嘢？
個男仔醉醺醺咁話：「我想……」瑪莎自作聰明，馬上剝咗條底褲，趴喺地氈上扮綿羊，個男仔血氣方剛，點受得住誘惑，於是移船就磡，就向瑪莎發動進攻，瑪莎都好耐冇咁享受過，於是拉住靚仔，大戰咗三個回合，之後兩人相擁入睡。
當靚仔一覺醒來，大叫：「慘啦！」原來佢係新搬嚟嘅，由於屋企冇糖，於是過嚟問瑪莎借，點知搞到失身。瑪莎安慰佢，仲話咁做只係打好鄰舍關係，叫靚仔屋企冇乜嘢就過嚟借，自此兩人便打得火熱，至於安琪介紹嘅對象，早就拋諸腦後，完全忘記晒！
撰文：小德