問：小弟今年三十歲，因工作關係而搬到深圳居住，早排趁放假去到一個大型商場逛逛，入到去之後，發現人流唔多，而且唔少店舖都關門大吉，之後隨便走入一間鞋店睇吓，期間一位少女售貨員埋嚟招呼我，試鞋嘅時候更係春光乍洩，令我嚇一跳。當時我哋兩個傾得十分投契，後嚟佢更主動相約我下星期去食消夜兼飲酒，仲問之後可唔可以去我屋企過夜添！我家吓思緒非常混亂，因為事情發展得太快，我根本唔能夠確定佢係咪想玩吓一夜情，抑或存心欺騙，究竟我應唔應承佢好呀？
答：曾聽過唔少朋友去內地夜店消遣嘅艷遇，好似你嗰種情況就比較少有。你問呢個女仔會唔會呃你，老實講，機會真係一半一半，有可能對方真係好冧你，又或者想設局騙財都未定。唔想中招嘅話，有幾個建議可提供畀你。首先，過夜唔係問題，之不過最好去酒店，以防引賊入屋。仲有一個可能性係呢個女仔本身想賺外快，亦即係所謂嘅援交，你不妨先探吓佢嘅口風，如果真有其事，就大家早啲傾掂數，以免因肉金而爭拗。當然，安全最重要，始終人心難測，免費餐唔係人人都食得起架！
撰文：娟娟