唔知可唔可以用雨過天青嚟形容，近日曼谷嗰邊嘅情況已經返番正常，據刮王觀察所得，機場航班升降量已經上升，而去夜場玩嘅客人數量亦同樣回升，而近日更知道香港有旅行團用千多元價錢去吸引遊客。夜場見客人多咗，已經開始大搞活動，就好似近日踏入雨季，夜場就以此為噱頭，搵班小姐着上三點式揸住把遮去跳吓舞，喺現場搞吓氣氛去吸引客人。
就刮王所見，早幾個星期前，夜場生意都幾死寂，因為當時根本無旅客嚟，亦因為呢個原因，夜場返工嘅小姐數量亦相當有限，但係近呢個星期就好明顯見到小姐人數多咗好多。理由好簡單，現時已經踏入六月，照以往日子嚟計算就係旺季，來自世界各地嘅旅客都會湧到，而事實上今年大家都會預期，若果情況一切正常的話，旅客高峰期將會喺七月出現，所以各大夜場亦早已作好準備，去迎接呢個月份。但話時話，刮王就唔係好認同夜場搞呢個雨季之夜，應該係齊齊去求神，祈求之後曼谷一切平安順利，咁大家先可以玩個痛快。
撰文：刮王