美國家陣啲狂野派對，差不多全部都係為女士們而設，由於派對搞手全部係女人，女士們可以玩得更狂放，但佢哋嘅狂放似乎有啲過分，好似最近有個成人網站調查咗近千名囡囡，叫佢哋自我評分，最後結果出嚟，有近九成人都話自己癲得過分。
究竟狂野派對裏面啲囡囡玩起嚟有幾過分呢？調查報告冇特別指出，為咗滿足大家嘅好奇心，於是我哋搵嚟舞男公司，由佢哋嘅負責人阿標同大家講解一吓！阿標話：「記得以前男人客當道嘅時候，見到靚女上台表演，就算剝光豬，佢哋都唔會毛手毛腳，除非囡囡走到你面前示意，佢哋至會主動摸一吓，家陣啲女客人，佢哋一見靚仔，就已經上下其手，扯衫剝褲，認真猖狂。」
阿標愈講愈氣，繼續爆料：「以前同客人親熱，客人會一個一個嚟，冇人會爭先恐後，因為佢哋嚟玩，見識多於實際參與，但女客人就好唔同，佢哋一場嚟到，唔甘心就咁睇吓，於是積極參與，為咗同心儀帥哥親熱，經常出現爭先恐後嘅情況。」
有冇人因為爭奪舞男而大打出手呢？阿標話：「大打出手就冇，但情況就好似去百貨公司搶特價品一樣！我哋啲囝囝出場都未表演，佢哋就撲埋嚟抽水，上下其手不特止，而且仲扯佢哋啲衫，好多時啲衫唔係剝，而係畀佢哋扯爛。」你都咪話唔恐怖。
阿標話最恐怖係剝光豬條條Fing嘅時候：「啲女人好似未見過咁，一見囝囝嘅巨物，佢哋就會兩眼發光，最得人驚就係伸手去搶，大佬！喺你面前就話冇問題啫！如果隔咗一個人，畀後面嘅搶到，咁樣一扯，真係命都冇，所以好多時啲囝囝都唔敢亂Fing，冇乜事都用條毛巾遮遮佢，免得佢哋係唔係都伸手去搶。」真係聽見都戥啲舞男牙煙，所以話要賺女人啲錢，真係唔容易架！
撰文：小德